إحنا جيلنا يا يونس زي ورق الخريف ...عارف ايه هو ورق الخريف ؟؟؟ هو ورق الشجر إللي بيذبل من البرد و المطر و التراب ...ويقع من علي الشجرة وحيد ميت ... مكسور و مع اي لمسة الكسر بيحوله لتراب ...تراب بيرميه الريح لكل مكان

الاثنين، 30 يوليو 2007

مدونات أفضل: مرادفات جديدة ... شقاوة بنت بلد ... انها مدونة رونيل السوداء

ربما لدي العديد من وصلات لمدونات أصدقائي مثل شادي و ابراهيم و مصطفي يحيي و وليد و محمد عادل و محمد النقيب لكني فضلت بدلا من وضع تلك الوصلات في تنويه جانبي مثل معظم المدونات ان اتحدث عنهم أفضل و اترك المساحة الخالية في جانب مدونتي لصوري و وصلاتي الخاصة التي تشعرني بأني في منزلي
و من مبدأ ليدز فرست النساء أولا اول مدونة سأتحدث عنها هي مدونة العزيزة أصالة الشريف بإسم رونيل السوداء
و التي شرفتني برد في موضوع العيش و اللحمة السابق
بالتأكيد هي مدونة تستحق الزيارة و المتابعة و ان تنضم لقائمة المفضلات لديك علي الجهاز لتتابعها بإستمرار
هناك ستري غضب واضح و صريح علي الرجل الشرقي كالعادة بمردافات جديدة و فكر شقي يقفز من سطر لسطر طفل يبحث عن حريته او صرخة غاضبة ترغب في الخروج مع نبرة ساخرة تدعوك مرغما إلي الأبتسام
ستجد ان البلد بها ازمة مخدات بالفعل نعم مش فاهمين لا روح بقي المدونة عشان تفهم
ستجد بنت بلد جدعة اوي بتتكلم معاك و تقولك انا مخنوقة و بسيطة
ستجد بنت بلد تخرجك من اي مود انت فيه و لكن فقط عليك ان تفهم مرادفاتها الجديدة
نعم ياعني ايه برضه
لا بقي لازم تزور المدونة عشان تعرف لأنها بالتأكيد مدونة أفضل

الأحد، 29 يوليو 2007

الشبح

أحمد عز الشبح في فيلم من أخراج الرائع ( و لكن ليس في افضل حالاته في هذا الفيلم ) عمرو عرفة من تأليف وإنتاج وائل عبد الله
سبق و أن تحدثت عن أغنية الفيلم الأكثر من رائعة سألت نفسي و التي شجعتني و بقوة لمشاهدة هذا الفيلم الذي يكفي ان مخرجه هو الرائع عمرو عرفة الذي جذبني في أفلامه الثلاثة السابقة أفريكانوا و السفارة في العمارة و جعلتني مجرما
و الفيلم فعلا لم يخيب ظني كثيرا بالفعل الفيلم كانت فكرته جديدة بالرغم من اللعب علي أكثر من تيمة مكررة لكن بأسلوب و خلطة جديدة تماما و هنا يظهر ان من الممكن ان تكون فكرة الفيلم مقتبسة من اي عمل أخر و لكن طريقة صياغتها و إخراجها تخرج لنا فيلم أخر و ربما جديد تماما و ربما لم تكن مقصودة عملية الأقتباس هنا و لكن في النهاية الفيلم خلق حالة جديدة بالتأكيد بها بعض العيوب و لكنها تبقي محاولة جيدة جدا و عمل ممتع و جديد
من شاهد الفيلم يلاحظ التلامس بين الفيلم و بين كلا من فيلم بورن إيدينتي و رجل و سبع و جوه و فيلم واحد من الناس
و لكن بصياغة جديدة و أسلوب جديد عندما يستيقظ احمد عز في غرفة بفندق مصاب و بجانبه جثة لرجل مقتول و فاقد للذاكرة تماما ليبدأ في التخبط هل هو قتل هذا الرجل فعلا ام لا ؟؟؟ من هذا الرجل ؟؟؟ و الأهم من هو اساسا ؟؟؟
لتأخذ الأحداث في الأشتعال من البداية لتدخل في أحداث الفيلم مباشرة دون اي تمهيد و ربما هذه البداية السريعة هي ما سببت الشعور بتسارع أحداثه و ان الفيلم كان من الممكن ان يكون أطول من هذا و به مساحات درامية أكثر كان يمكن أستغلالها
يعيب أيضا الفيلم الكادرات التي ربما كانت جيدة بالنسبة للسينما المصرية و لكن ليست بروعة كادرات عمرو عرفة في افلامه السابقة و لم ينجح في ان يشد نظري مع أي كدر لا سيما مشهد الخناقة بيه و بين باسم سمرة مع أغنية سالت نفسي في الخلفية و المزج بين هذه الخناقة و فلاش باك بخناقة اخري قبل ان يفقد الذاكرة ربما كان مشهد منعش و سط الفيلم لم يتذوقه كثيرين و لكنه كان أكثر من رائع
بخصوص الأداء التمثيلي فاحمد عز تقدم مرة أخري بأدائه في هذا الفيلم و مازال يسير بخطي تصاعدية نحو الأفضل منذ فيلم ملاكي اسكندرية
محمود عبد المغني تألق بدوره الجديد عليه الذي امتلئ بالأفيهات المضحكة الغير مبالغة و لفت النظر بشدة إليه
صلاح عبد الله بالرغم من خبرته الكبيرة إلا انه لم يبدء سوي مؤخرا في الأهتمام بأدواره و تقديم موهبته التي كاد التراب يغطيها و في خلال الخمس اعوام الأخيرة اثبت نفسه بقوة انه ليس مجرد كوميديان و قدم هنا ايضا واحدة من اقوي ادواره
الموسيقي التصورية ربما كانت جيدة في بعض الأحيان لخالد حماد و لكن في مشاهد كثيرة تقليدية جدا جدا خصوصا في مشاهد الحركة او الأكشن
في النهاية هو فيلم جيد جدا بنظري لكن كان يمكن أن يكون أفضل من هذا و اهو السينما بتاعتنا ابتدت تقول و الله بس بلغة تسعينات هوليود و ليس بلغة الألفية الرهيبة اللتي تتحدث بها هوليود الأن

الثلاثاء، 24 يوليو 2007

بس مافيش رصيد

عايز اتكلم
بس ماعيش رصيد
عايز اتكلم
بس مافيش نصيب
********

عايز اكلم صاحبي
اقله واحشني
ليه بعدت عني يا غالي ؟؟؟
نسيت أيامنا السعيدة
و ذكرياتنا الكثيرة
ضحكتنا ام صوت عالي
و هتافنا علي التوافه
عايز اكلم صاحبي اقله
فينك و فين ايامي بيك
عاملة ايه الدنيا فيك
مبسوط معاها ولا
شايل هموم ولا
بتحب ولا
اخبارك ايه متقولها
سعيدة ولا
عايز اقلك
فاكرني ولا
عايز اكلم صاحبي
بس مافيش رصيد
بس مافيش نصيب
*******

عايز اكلم اهلي
و اقول فينكم يا أهلي
ولا حتي يا زمالك
سبتوني و رمتوني في المهالك
كنتوا فين و انا محتاج لحضنكم
كنتوا فين و انا عايز اضمكم
كنتوا فين في فرحي
كنتوا فين في حزني
كنتوا فين في جرحي
بإختصار كنتوا فين في دنيتي
اه ه ه ه ه... بتاكلوني
مش كنتم تقولولي
بدل ما انا عمال اعتب و اعيط علي الفاضي
أعرف انكم ضحيتوا بيا عشان ترضعوني
عشان تبيضوا الشقة و تصلحوا كرسي الصالون بدل ما تشيلوني
ربنا يخليكوا ليا ما انتوا ربتوني
اني لازم اخد شهادة و ماسرقش من صحابي
ماكدبش علي الميس بس اكدب علي تليفون صاحب دادي
بس
علمتوني احب ؟؟؟
حسستوني بحضن ؟؟؟
طاب سؤال
بعد كل الأوامر و الطلبات
حد فيكوا طبطب عليا و خدني بالحضن ؟؟؟
و قالي متزعلش من الدنيا ربيتك قوي تتحمل و تحب
و لاكنتوا ساعتها بتطبخولي
عايز اكلم أهلي
بس مافيش رصيد
بس مفيش نصيب
*******

عايز اكلم السنترال

اقوله حولني علي اكبر راس
اسئله هو فين الكفيار ؟؟؟
سمعت انه حلو و انا زهقت من الخضار
ايه ايه ايه و هو ماله الخضار
لا انت مش فاهمني احنا بنقول علي الفول يا خضار
سيبك انت من الجزر و الخيار
استكفينا خلاص
ورامنا منهم من أيام الكفار
طاب فين السلطة
طماطم دي ولا بقصمات
جرجير دة ولا برسيم بتاع الحمار
لتكونش فاكرني حمار
و تقولي شي حا
لا اسمحلي مش عشان ماشي زي الحمار
و شغال زي الحمار
و باكل زي الحمار
و بتعامل زي الحمار
ابقي حمار
سيبك انت من الخضار و الخيار و الحمار
عايز اتجوز حلال دة ولا حرام ؟؟؟
عايز اشتغل اوعي تقولي انا كدة طماع
عايز لو ابني عيي اعالجه احسن علاج
لا عندك حق انا كدة سقت فيها و بحلم بالخيال
عايز اكلم السنترال
اقله حولني علي اكبر راس
بس مافيش رصيد
بس مافيش نصيب
*********

عايز اكلم حبيبي
و اقله فينك يا نصيبي
طبطب عليا كمان و كمان
مش عيب لو عايزك في حضني و ابكي علي حال الزمان
اقولك متنسنيش
متسبنيش متبعنيش
و استحمل معايا قلت رصيدي
و قديها رنات
بحبك اوي
و بموت فيكي
بس طريقي واقف بيكي
و انت مش ذنبك يا حبيبي
تستني معايا و تقف وييا
ماسك ايدي مستني نصيبي
مستني دوري لما تفتح الأشارة
عشان اطلع واجري بيكي
ناخد من حلمنا حبة
و نعوض الماضي و انا بين عينيكي
عايز اكلم حبيبي
بس مافيش رصيد
بس مافيش نصيب
********

عايز اكلم كل بلدي
عايز اكلم اهل بلدي
ليه ماعدناش فرحنين
ليه بنكره الفرحنين
ليه الحزن راكب فينا
و الضحكة دي مش لينا
عايز اكلم اهل بلدي
و اقول فين السلام
فين الأمان
ليه كل واحد طماع في جيبي
ليه كل واحد يسرق في خيري
ليه بقينا زي الوحوش
دة حرث الدنيا مش كله فلوس
فين الضحكة فين الطيبة
فين الخير فين البركة
فين الحلال و فين الحرام
ليه بقينا زي البغال
ندوس في غيرنا ندوس في دنيا
ندوس علي نفسينا
عايز اكلم اهل بلدي
بس مافيش رصيد
بس مافيش نصيب
********

عايز اكلم احلي ام
عايز اكلم احن ام
عايز اكلم امنا
عايز اكلم ام الدنيا كلها
عايز اكلمك يالي قالوا عليكي مصر
و انتي ماشية فينا عصر
خيرك كثير مليان منابع
عمر جيوب اهل المنافع
بس ليه ناسية ولادك
بس ليه ناسية شبابك
بس ليه ناسية رجالك
ليه نسيتي تجمعينا
علي حب واحد و تسيبينا
بدل ما جوانا أتشرخنا
و في حبك انتي كثير سألنا
هو حب ولا وهم
هو عشق ولا غم
شربنا نيل و لا نيلة
اكلنا أخضر ولا نجيلة
ليه في الخريطة نقطة سودة
و لا السودة دي قلوبنا و انتي رسمتي جواها خريطة
إزاي نسيبك و انتي منا
و اقفة علينا و علي قلوبنا
لو سيبناكي من يحبطنا
مين يكسر في مئدفنا
عايز اكلم يالي قالوا عليها مصر
و هي ماشية فينا عصر
بس مافيش رصيد
بس مافيش نصيب

زعلان عشان اللحمة غالية طاب انا حغلي العيش بقي

جميعنا نعلم القرار الوزاري الجديد بتحديد سعة التحميل من النت

هذا القرار الذي هبط علي صدورنا بثقل

و بالرغم من الأحاديث الكثيرة عنه انه سيطبق علي الجميع

بل ستكون لك حرية الأختيار

بل المتعاقدين القدامي لن يسري عليهم القرار إلخ إلخ

يكفي كيف شغل هذا الموضوع جميع المنتديات و المواقع و المدونات

يكفي ان جميع او معظم المدونات الأن لم تعد تتحدث في السياسة بل عن هذا القرار

و كذلك المواقع و المنتديات

يكفي ان هذا القرار جعلنا ننظر تحت اقدامنا

ننظر لما نملكه نشعر انه سيأخذ منا حتي لا ننظر لما أخذ منا بالفعل

مبدأ انت زعلان علشان اللحمة بقت غالية طاب انا بقي حغلي عليك العيش يا واطي عشان تعرف قيمة إللي عندك يا جزمة

طبعا ناهيك عن حديث و زير الأتصلاات انا عارف ان الجماهير ((((( كلها ))))) معترضة علي القرار لكنه سينفذ و سيتعلم الشباب كيف يتكيفوا مع هذا الوضع

و هنا اوجه له رسالة أخبره بها حقا نحن دولة ديموقراطية و خذها مني كلمة صدقني كل الشباب فعلا من دلوقتي تكيفوا )) من القرار و ليس معه ))


كل واحد يا جماعة يمسك برامج التحميل

التورنت الداونلود مانجر الفلاش الأريس الدونكي اي حاجة اتعملت للدونلود امسكها و بوسها و ودعها و اعرف انكم بعد كدة حتتقابلوا في عدد معين من الزيارات كل شهر

عن أذنكم بقي اروح اودعهم بنفسي

اللهم أعنا علي دوانلود كل من في كراسي السلطة و عمل لهم أبلود جميعا بعدها

الاثنين، 23 يوليو 2007

و ماله الموت ؟؟؟؟

هو ليه اي حد بيزعل لما بيسمعني بقول اني عايز اموت
او في الغالب بيعملوا زعلانين
هو ماله الموت
هو كخة ولا حاجة
ولا حتي يخوف
إللي خايف من الموت خايف يقابل ربه يبقي لازم يحسن علاقته بربه
انما الموت في حد ذاته نعيم
مش جهنم إللي إحنا فيها دي
إزاي خايفين ندخل اوضة متر في متر لوحدينا
ما ساعتك لما بتنام بتنام في اتوبيس
ولا لما تقعد سهران لحد الصبح لوحدك بتحس بخوف
بالعكس دول الف باء الراحة
نوم و هدوء و وحدة
تخلص بقي من قرف بيت مش بيفهم غير انه في حاجة اسمها بكالريوس و فلوس و انت ابننا ياعني اسوء أنسان عرفه التاريخ
دول ممكن يحسسوك احيانا انك العن من ابليس
و انه لو شافك حيقول استغفر الله العظيم
دة إنقلاب في الموازين يا جماعة
لكن في الكوت كل واحد عارف حجمه ده ابليس و دة بني ادم و دول ملايكة
انه احسن تعيش مع ناس مش فهمينك و بيجرحوا فيك و مصممين يجرحوك
مع ان سهلة اوي يقولوا مش عايزين نبقي صحابك علي الأقل عشان خاطر ربنا
لكن في الأخرة ربنا و الملايكة عارفين جواك ايه و فاهمينك كويس اوي
ياعني لو حتتعاقب عل قد ما عملت لو حتتجازي يبقي علي قد إللي عملته
و فاهمينك و عارفين اسرارك و مشاعرك و مبرراتك
حتلاقي حد يفهمك اكثر من إللي خلقك ؟؟؟؟
ثم نيجي علي البلد الرجل المصري خصوصا و العربي عموما اسهل له الموت و الأنقراض علي ان يبقي في حياته ذليل هكذا
في بلده و خارج بلده
قمة الأهانة في كل مكان
في الشارع من الشرطة
من الدنيا مش لاقي شغل
لا عارف يتجوز ولا يتنيل
المرتبات تقل و الأسعار تزيد علاقة عكسية تقريبا لتحقيق التوازن بين مبدء لكي يكون هناك اغنياء جدا يجب ان يكون هناك فقراء جدا جدا
بس دول مش فقراء و بس
و تعساء
حلمهم مقتول
مدبوح
جيل بحاله بيعاني عشان سندوتش الفول
دي الدنيا إللي متمسكين بيها و خايفين من الموت
طاب نحسبها بعقل
انت في الأخرة ضامن لو عملت كذا ليها حسنتها و دي ليها سيئتها
في الدنيا بقي
كل حاجة بتعملها مشكوك في امرها و مهما تتعب و تتعب متاخدش حقك ابدا
يبقي انه احسن
ماله الموت
مع اني مقتنع بيه و نفسي فيه بس مش حدعلكوا
الهم اهديني
و اهدي جميع الناس
و خذني وريحني من دي دنيا

الأحد، 22 يوليو 2007

شمس اليوم الأخر




صوت الصرير إنطلق كالرعد يدوي في أذنه, وأمه تفتح باب القبو, لتكشف عن الظلام القابع بالداخل, ينتظره ليلتهمه بنهم ...وبعيون باكية, وصوت منتحب, صرخ مناجيا أمه أن ترحمه, وهي تجذبه كالشاه , و لكن كما لو أنه يناجي تمثالا من الشمع, نحتت علي وجهه أشد الملامح قسوة, و أكثرالنظرات برودة علي مر التاريخ.لم تستجب له ...وبقوة دفعته إلي فم الظلام المتسع, حتي يطبق عليه بمجرد سقوطه, ويسمع صرير باب القبو ينغلق من خلفه ...كقطعة من الزجاج المهشم لملم جسده وهو جالس, و زحف منكمشا إلي ركن الغرفة, يحدق بعيون ممتلئة بالرعب, و الفزع, و أنفاس تعالي صوتها حتي صُمت أذناه, يتطلع إلي الظلام الذي يحيط به, يحاول أن يتفرس الوجوه القاتمة التي تحدق به في الظلام, وتراه ...ونظر إلي النافذة التي باعلي الحائط, مغلفة بالقضبان, يناجيها أن تشرق شمسها, وتنير له نظراته ...لم يرهم يوما, وكلما بزغ الفجر لم يجدهم حوله, ولكنه يعلم أنهم موجودون, ينتظرونه كل يوم ,وكل ليلة, يترقبون عودته, ويخدشون الحائط بنهم في إنتظاره ...متوحشين, أو مظلومين, هم في إنتظاره, و في أحضان الظلام إعتادوا أن يكونوا ...و يخشي أن يكون هذا منتهاه أيضا ...زحف مرة أخري, ولكن نحو النافذة ...وقف, و لكنها لطالما كانت أعلي منه ...حدق في السماء المظلمة من بين قضبانها ...يناجي الشمس أن تخرج, و يتسائل, هل سيراها مرة أخري؟ ...حك لحيته التي نمت, راسخ في مكانه لا يتحرك ...يتطلع من خلف القضبان إلي ظلام أخر ...و يتسائل وهو داخل السجن ,عن شمس اليوم الآخر ...

Dev عندما لا يموت الرجل إلا إذا لم يقل الحقيقة















السلام عليكم




من الصعب التحدث عن فيلم مدته 4 ساعات و لم أشاهده سوي مرة واحدة منذ عدة شهور




و لكن لقيمة الفيلم و جودته ترك بصمته بداخلي و وجدت نفسي مرغم علي ان اكتب عنه هنا في مدونتي




هو فيلم ((ديف)) وهو ايضا اسم الشخصية التي يقوم بلعبها الفنان الهندي العالمي أميتاباتشان (هي بتتكتب كدة ولا لأ ما علينا ) و قبل الخوض في قصة الفيلم و راي فيه تجدر الأشارة أولا أن الكثير منا يدرك ان السينما الهندية او كما يطلق عليها بوليود تفوقت بمراحل من حيث التكنيك و التصوير و الأخراج و الأهم الكتابة بينما لا يصل إلينا إلا الأفلام الرديئة و غير مطلعين سوي علي السينما الأمريكية بينما نفتقد أفلام غاية في الروعة سواء من السينما الفرنسية او الألمانية و بالتأكيد الهندية حتي اننا نفتقد التواصل مع سينمتنا العربية و بينما المغرب و فلسطين و لبنان تنتج أفلام عالمية ذات تكنيك رائع و أخراج متميز و انتاج محترم ( لا يذهب في أجور الممثلين ) و لها محافل في المهرجانات العالمية و تمتاز بحرية نفتقدها في سينيماتنا المصرية








يأتي فيلم (( ديف )) ليقدم مجموعة من القصص في إطار واحد هذا الأطار يتحدث عن الصراع بين الهندوس و المسلمين في الهند و خصوصا ان الديانة الهندوسية هي ديانة الأغلبية هناك و هنا نضع الف خط تدور القصة علي حسب ما أذكر عن شخصية الظابط (ديف) الهندوسي الذي قتل ابنه الصغير علي يد مسلمين متعصبين ليكون رغما عنه متحامل علي المسلمين و يقسوا عليهم ومعه صديق عمره الذي كان يعشق بن ( ديف )أيضا و يتضح ان الصراع القائم بين المسلمين و الهندوس هو صراع سياسي من الدرجة الأولي حيث يتصارع مرشحان علي المجلس النيابي احدهم يمثل الهندوس و الأخر المسلمين و يستغلون الجماهير الذين تحت ايديهم ليحمسوهم علي جماهير الطائفة الأخري ليكون المظلوم في النهاية الطرفين و بالأخص المسلمين نتيجة للأغلبية الهندوسية و الحكومة الهندوسية و عدم حماية الشرطة لهم هنا يبدء (ديف) في مواجهة ما يحدث و بعد هجمة شرسة في مشهد من أروع المشاهد السينمائية حيث يهجم الهندوس علي حي أسلامي تدور فيه قصة الأبطال المسلمين في الفيلم و لا تحميهم الشرطة و تقف موقف المتفرج و في فيلم بطول اربع ساعات يحمل الكثر من القصص بداخله و الأحداث التي قام المخرج بتجسيدها بروعة خصوصا مشهد هجوم الهندوس علي الحي الأسلامي و بينما يعلن ( ديف) عن مرحلة جديدة للدفاع عن اهالي الحي المسلمين تقود الشرطة هجمة أخري علي منازلهم و تغلق الأبواب عليهم من الخارج و تشعل النار في المنازل في نفس لحظة و صول( ديف) الذي يتذلل لصديقه ان يتوقف دون فائدة و يعود لمنزله محطم ورائحة جثث الضحايا تزكم انفه ليستقيل من عمل الشرطة و يتقدم كشاهد علي رئيس الوزراء و علي رئيس الشرطة و مرشحي الطائفتين للمجلس النيابي انهم السبب في مذابح الطائفتين و في مشهد رائع و هو يحتوي في منزله شاب مسلم و خطيبته كان يحاول قتل ( ديف ) في البداية بعد مقتل والده امام المسجد و يسأله الشاب لماذا تفعل هذا ؟؟؟ يخبره ان الرجل لا يموت إلا عندما لا يشهد بالحق و في النهاية يتم أغتياله وهو صاعد إلي المحكمة ليدلي بشهادته و المستندات في يده


قد يبدوا اني اسهبت و اطلت في ذكر احداث الفيلم لكن الحقيقة انه فيلم 4 ساعات و يحتوي علي قصص كثيرة جدا بداخله ومعاني تدافع عن الطائفة الأسلامية و كيف كان إمام المسجد يؤي في منزله هنودسيين و مشاهد رائعة مثل مشهد هجوم الهندوس علي الحي الأسلامي و قتل الأطفال و المسنين و اغتصاب النساء داخل منازلهم ... و المشهد الذي جمع فيه ( ديف ) أهالي الحي ليشهدوا ضد مسئول هندوسي علي انه من قاد هذه الهجمة و يخشي الجميع الشهادة إلي ان تتقدم خطيبة الشاب المسلم الذي تحدثنا عنه و الذي يوجد له قصة أخري طويلة داخل الفيلم




و بعدما ان نتحدث عن روعة الفيلم و حرفيته و أخراجه ... يجب أن يلفت نظرنا هذا الفيلم علي شئ أخر ... أو بعد أخر ... كيف تم تصوير هذا الفيلم ... و هل لهذه الدرجة وصلت الحرية التعبير عن الرأي في الهند ( وش راجل مندهش ) فيلم يهاجم الحكومة الهندوسية و السياسيين الهندوسيين و الشرطة و الطائفة الهندوسية المتطرفة اي يهاجم الأغلبية و الحكومة من اجل اقلية .... هل مكن الممكن ان نشاهد فيلم يعترف بوجود فتنة بين المسلمين و الأقباط في مصر ... حتي نستطيع أن نعاجلها ... فكيف سنعالج مشكلة لا نعترف بوجودها ؟؟؟... في هذا الفيلم تحدثوا عن المذابح بل و أصدروا حكم من الظالم و من المظلوم و كان علي الأغلبية حكم الظالم و الأقلية حكم المظلوم ... فمتي تكون عندنا هذه الحرية لنناقش مشاكلنا بصراحة ...و نهاجم اي طائفة إذا كانت مخطئة ... نعم توجد فتنة طائفية في مصر لماذا لا نعترف في افلامنا بهذا ؟؟؟ لماذا لا ننقد الفئتين لأن كلاهما مخطئ ...بدلا من الصورة الساذجة في الأعلانات و الأفلام عن علاقة المسلم بالمسيحي


فيلم ( ديف ) لم يكن مجرد فيلم أبهرني بأمكانياته و كتابته و تطور أحداثه و إخراجه الرائع ... و ليس دفاعه عن المسلمين الأقلية هناك علي حساب الأغلبية بمنتهي الحرية ... ولا كيف يجذبك مكن بدايته لنهايته


ديف هو رسالة لنا تقول كيف تكون السينما الحقيقية

يا رفيق دربي الطويل


يارفيق دربي

فلتحتمل أحزاني

يا رفيق دربي

فلتحتمل أحاسيسي الغريبة

يا رفيق دربي

لا تترك يدي

لا تختفي في الظلام

ابقي معي

ارشدني و اهديني

احتمل بكائي عند الضعف

احتمل حزني عند الجرح

يا رفيق دربي الطويل

لتكن معي

بين احضاني

داخل قلبي

لأعطيك حناني

لتري كل ماهو جميل بداخلي

لتنسي برودة حياتي

لكي لا تري احزاني المظلمة

ضمني

احميني

ففجأة

أصبحت انت القوي

و انا الضعيف

ففجأة

اصبحت تحميني ولا أحميك

ففجأة

صرت ابا و انا طفل صغير

فهل ستحتملني طوال الطريق

يارفيق دربي الطويل

انظر لعيني و اعطيني من قوتك

مدني بالراحة و الدفء و الأمان

احميني

من كل ما هو ات

امنحني الحنان

يارفيق دربي الطويل

امتص أحزاني

و قويني لأكمل الطريق

فانا ضعيف ضعيف ضعيف

فانت الوحيد الذي أختار ان يكون رفيقي في دربي الطويل

اخشي أن يأتي يوم تصبح فيه

مجرد عابر سبيل

و تتركني في دربي و حيد

يا رفيق دربي الطويل



Blue




أتمني ان اقف في مكان خالي كهذا تماما


و أري الأفق يتلون بالأشعة الضوئية الصناعية الساطعة


اري الأفق امامي و اسع منتشر


بلونه الأزرق هذا


و الهواء يداعب جسدي


لأهتز


ليهتز كياني بأكمله


و أشعر بالراحة أخيرا



توصى توصى فيا
عاملني بحنية
ياللي عايش فيا على طول
من غيرك ما فيا اغني ولا غنيه
لعيونك عينيه بتقول


*******
بجرب يا حياتي
شيلك من حياتي
امشي وانسى كل الذكريات
لاقيك بعينيه حدي وحوليه
من دونك مش حلوه ها الحياه
*********


توصى توصى فيا
عاملني بحنيه
ياللي عايش فيا على طول
من غيرك ما فيا اغني ولا غنيه
لعيونك عينيا بتقول

*********


لو مهما قالولي
لو عنك حكيولي
بقلون مش معقوله حكايات
بعرف بعرف قلبي
علي ما بيخبي
وصعب انسى صعب الذكريات

*********


توصى توصى فيا
عاملني بحنية
ياللي عايش فيا على طول
من غيرك ما فيا اغني ولا غنية
**********

بندهلك يوميا
طلك طل علي
راح تسمع عينيا بتقول
من غيرك ما فيا أغني ولا غنية
لعيونك عينيا بتقول

ولو ....!!!!!


و لو

برضه حنحلم

و لو

و راسنا مش حتطاطي

و لو

و إن ملكنا الحزن في يوم

حنضحك

و نقول هأو

و لو

و إن ملكنا اليأس

و نهش في عظامي

و نخر في شبابي

حمد إيدي و أبعد غيري عني

عشان الأمل يفضل عايش

و قلاقي غيري و من بعدي

برضه بيقولوا

و لو

ذكري قديمة


ابتسمت عندما وجدتها موجودة

يااااااااااااه

اخيرا

و العجيب اني منذ ساعات قليلة كنت أتكلم عن الحب و اني بدأت أتوهم به

لأجدها امامي

ترقص بدلال علي شاشتي

بأصابع مثقلة القيت عليها التحية

فردتها لي

ربااااااااه كم أشتقت إليها

تظاهرنا بعدم وجود شئ

و أبتسمنا من خلف الشاشات لنخفي ما بداخلنا

رباااااه في ثواني تذكرت كل شئ

تبات و نبات

روح قلبي انا

no promises

لا أكذب عندما أقول لقد دمعت عيناي

و لكني أعلم تماما و أفهم ان كل شئ أنتهي

و ان هذا الحزن مجرد حنين لماضي و ليست مشاعر متقدة

و لكننا تكلمنا ...و ابتسمنا

و ...و أختفت مرة أخري

دون أن تقول سلام

فجأة

لماذا ظهرتي الأن ...؟؟؟

لماذا جعلتيني أتذكر بعد أن كدت أنسي ؟؟؟

لماذا و قد كدت أكمل مسيرتي ؟؟؟

ذكري

خواطر ....؟؟؟؟؟


شئ جميل ان اراك سعيد ...حتي لو اني اتعذب لن ابكي امامك ...لأني تعاهدت مع نفسي أن أجعلك سعيد ...بالتأكيد أنا لست ذلك الفدائي

صاحب القلب الكبير الذي سيبحث عن سعادة من يحب حتي و لو فيها تعاسته ...أنا لن أدعي ذلك علي نفسي بالتأكيد ...و لكن من أجلك فقط ... أنت و ليس اي شخص أخر ... سأفعل ما بوسعي لتكون سعيد
















خواطر شبح






عارفين معني الحزن ...معني انك تقول الأه من داخل داخل قلبك ...و تحس ان الدنيا مصرة تضربك و تضربك , و ان حتة من جسدك اتقطعت او بتتقطع كل مرة و بتنزف و بتنزف , انك تحس انك ضعيف قصاد الدنيا و بتقع و بتقع , ان مليون رجل بتدوس عليك و مش شايف غير انسان واحد بس بيمدلك ايده و بيقولك بحبك و تبقي مش عارف توصله , انك تعبان ومجهد لأقصي درجة , صدرك منقبض ... و جع شديد ... مش قادر تاخد نفسك ... مليون حاجة ثقيلة وقعت فوق صدرك ... و بتكتم علي قلبك ...اسوء ايام حياتي ... تعبان اوي ... محروم من لمسة ايده الحنينة ... محروم من الطبطبة ... محروم من الحنان ... محروم من الفرح ... عايز تبكي و تعيط وتعيط ... بس مش قادر غير ان عيونك تدمع و بسرعة تسمح دموعك دي قبل ما حد يشوفك و تبقي سخرية للجميع ... انا مش عايز ابقي مبسوط ... مش عايز ابقي مستريح ... مش عايز اكل ولا اشرب ولا اخد نفسي ... انا عايزك بس جنبي ... و حضحي بكل حاجة في الدنيا دي بس اشوفك قدامي ولو اضحي بروحي ... عارفة معني الحب ... لما اقولك مافيش انا ... كله انتِ



السبت، 21 يوليو 2007

رقصة حزينة ارقصها وحدي تحت الأمطار ...

و البرودة تتسل إلي مسامي ...

فراغ كبير في حياتي ...

فراغ كبير في صدري ...

تري إذا لم يعد الأنسان يشعر بقلبه يدق ...

كيف يتأكد انه أنسان علي قيد الحياة ؟؟؟؟؟؟؟؟؟؟؟

Sweet desert rose

لدي حلم
أن أكون في طابق عالي بناطحة سحاب
و النافذة الزجاجية بمساحة الحائط
أري بها السماء و المباني و الشوارع و الناس من أعلي
أن يكون الضوء خافت جدا و أن مصدر الضوء الحقيقي يأتي من الخارج يعبر هذه النافذة إلي داخل الغرفة
و أستمع إلي الشاب مامي و هو يتنغم قائلا ياليل ياعين خلف ستينج في أغنية ديسرت
و أني أتمايل تدريجيا مع الأغنية
ليتحول إلي رقص مجنون ثم أحمل أثقل شئ في الغرفة و أقذفه ناحية النافذة
ليتهشم الزجاج و يسقط إلي الخارج
يقتحم تيار الهواء الشديد الغرفة و يهتز جسدي معه
يختلط صوت تيار الهواء الشديد مع الأغنية
ليزداد تمايلي
كما لو أني أصبحت فجأة من أريد
و لم أعد أرغب في شئ سوي الأنتقام
من كل شخص أذاني
ياليل يا عين
كل شخص جرحني
I dream of rain I dream of gardens in the desert sand
كل شخص تسبب لي في العيش وحيدا
I wake in painI dream of love as time runs through my hand
انتقم من نفسي
Sweet desert rose This memory of Eden haunts us all This desert flower, this rare perfurmeIs the sweet intoxication of the fall
لأني أصبحت كذلك
الأغنية تستمر في مداعبة خيالي
يا ليل يا عين
أقترب من الحافة
I dream of rain I lift my gaze to empty skies above I close my eyes, this rare perfumeIs the sweet intoxication of her love
و أقفز
يقترب الضوء
يبتعد الصوت
الضوء يقترب
و تيار الهواء يشتد
لم أعد أسمع الأغنية
و الأسفلت و السيارات يتضحوا أمام عيني
و يقتربوا
___

قصة حبي انا ...أحلي قصة

هذه سطور متكررة عن ملامح قصة حبي ...لأحلي ما في حياتي
و هذا قبل ان يعترف كل منا للأخر عن مشاعره
***********

مجرد اخ لا اقل ... ولا اكثر ...لكني ساحتفظ بما في داخلي ...لن اخسرك ...اتمني أن القاه ... و ادفن قبضتي في حلقه ...اتمني أن القاه ... و اصافحه كيف فاز بقلبك يا مسكين ...أتمني أن اجدك بجواري حتي أخر العمر ...
*************
مش مصدقني!او حاسس اني بكدب عليه وبريحه وخلاص!او فاكرني مش فاهمه!بس هيفهم.. مسيره هيفهمولو مفهمش برضو هفضل جنبه وعمري ماهتخلي عنه

معني الأمان


أمد يدي


أحاول أن المس ذلك الضوء


شعور بالدفء و السعادة يتسللان من أناملي إلي باقية جسدي


شعور بالراحة


شعور بالجنة


هواء عليل يرتطم بي


و لكن فجأة يخبو الضوء


و يتحول إلي ظلام


و يمتص يدي بداخله


أشعر بالرعب و الصقيع


أشعر بوحدة تنخر عظامي


أشعر بألفة


فهنا قضيت حياتي بأكملها

الحلم ...

دعونا نداعب خيالنا
نتذكر أحلامنا
ها هوا ذا حلمك يقترب منك
يحيط بك
تتأمله مذهول
تأخذك سكرته
تطير معه بين السحاب
رويدا رويدا
و سعادتك في أوجها
يتحول إلي ضباب
يطير في الهواء كالسراب
يتركك ملقي علي الأرض بلا حراك
يتركك مكسور
مجروح
يتركك و قد تملك منك و لن يتركك
من هو ؟؟؟
اليأس

اسي

هي قصة تنسج خيوط أحداثها بنفسها
و نحن نسير معها
أسي
هل سنشهد نهاية القصة
أم ستنتهي أدوارنا قبل أن تنتهي حكايتنا
و كم من الحكايات تستمر بعد موت بطلها
أسي
إرهاق أنا مرهق
و ما من أحد أستند عليه
أسي
مرغما يجب أن أبستم في وجهه
و أقول له مبروك
و أهلل و أهرج
أسي
و أنا أتعذب
و بداخلي أبكي
أسي
هل سبق لك أن شعرت به ؟؟؟

لعبة حياة

دي لعبة
لعبة حياة
ولا لعبة كراسي
لحظة قاعد
لحظة واقف
و لحظة مش لاقي حتي الوقفة
ماهي لعبة حياة
لعبة كراسي
عايز تلعب
لازم تلف وتدور وتتعب
خايف تتعب
أتفرج
بس ماتبكيش
لو شفت في عيونهم فرحة مش في عينيك
ماهي لعبة
لعبة حياة
لعبة كراسي

أحلام محرمة

بنحلم
أحلام مابتنتهيش
و نحلم
ونحلم بطير يعدي لأحضان الحبيب
عايشين
نلمس بإيدينا خوفنا
و نعيش في أحضانه ليلنا
مانعرفش الأمان ...و مانعرفش الملاذ
...و نحلم .. و نحلم
نحلم نطير لفوق
و نكسر بالسماء قيودنا
تدور بينا ساقية الحياة
نلاقينا ورا أحلامنا بنقع مش بنطير

أحمد سعد عندما غني

السلام عليكم
إزيكم يا بني أدمين
مش عارف حد ممكن يقرء الكلام دة ولا لأ بس ماعلينا
في الحقيقة لقيت ان احسن حاجة ابتدي بيها مدونتي الفقيرة هي اغنية جديدة من نوعها تماما اغنية كانت كفيلة بإقناعي إني لازم ادخل الفيلم لممثل مابحبوش هو احمد عز و اقتنع ان في مغني مالوش في الغناء ممكن يطلع منه حاجة عدلة و إللي هو أحمد سعد إللي أعتبر ان دي أغنيته الأولي فعلا
الفيلم هو فيلم الشبح إخراج المخرج العبقري عمرو عرفة إللي شدني من ساعة فيلم افريكانوا وهو اول افلامه الروائية الطويلة
الأغنية سألت نفسي
الأغنية كلامتها قصيرة و بسيطة جدا
**********
سألت نفسى كتير
مرستشى يوم على بر
انا اللى فيا الخير والا اللى فيا الشر؟
مليان عيوب ولا خالى من الذنوب ولا
ولا ايه ؟
************
ولا انا جوايا
ومش دارى الاتنين فى بعض
و 500 حاجة
وملهمش دعوة ببعض
******
الأغنية بصوت احمد سعد و اللحن الرائع جدا و التوزيع الممتاز يجبرني اني اهتم بالفيلم بجد و انه تجربة جديدة فعلا شئ مشابه لديجا فو او فيس اوف مش من حكاية القصة طبعا و مع أختلاف الأمكانيات بس الفيلم واضح انه مش مجرد أكشن انما في بعد أنساني و نفسي في الفيلم متعملش قبل كدة
و إللي حيسمع فيكم الأغنية حيعرف انا قصدي ايه
و سؤال جميل اوي الأغنية بتقوله
سألت نفسي كثير و مرستش يوم علي بر
((انا إللي فيا الخير ولا إللي فيا الشر ))
انا شايف السؤال جرئ ناس كثير تخاف تساله لنفسيها ... احنا اقصي حاجة ممكن نسال نفسنا فيها انا غلطان ولا لأ
لكن معظمنا مقتنع انه خير ... طاب ايه ممكن يحصلك او تعمله عشان توصل بيك الحالة انك تقول هو انا خير ولا انا شر
الأزدواجية إللي إحنا فيها
للغلط معاني كثير و تبريرات كثير
انا ممكن اشرب حشيش لكن بانجو لأ
انا ممكن امشي مع بنات بس اكثر من كدة لأ
متفهمش دة متدين ولا فاجر مؤدب ولا صايع
إزدواجية
إزدواجية ملهاش حل
عشان ماعدش في قيمة لجيلنا نتمسك بيها و نحترمها
كله مضروب في الحيطة لا عاد في إخلاص ولا أمانة و لا شرف ولا وطنية كلها معاني زائفة لأننا أتربينا علي الشهادة و الفلوس
جيل أتظلم كثير و ظالم في نفس الوقت
ولا انا جوايا ومش دارى الاتنين فى بعض و500 حاجة وملهمش دعوة ببعض
ممكن يكون فينا إللي بيعيش اكثر من حياة بأكثر من وش
يتعامل مع طبقة من المثقفين عالية جدا و بعد كدة يروح يقعد يحشش مع عربجية و يخرج مع واحد برئ جدا و مش فاهم حاجة في الحياة ....؟؟؟؟
ايه السبب ؟؟؟؟
ليه الأزدواجية دي ...؟؟؟
بندور علي ايه ؟؟؟
و 500 حاجة وملهمش دعوة ببعض