كلنا انسان ..

ايوة ياعني انت عايز ايه ؟؟؟

ما احنا كلنا عارفين ان احنا كلنا انسان ...

ايه الجديد ؟؟؟

الجديد انكوا تحسوا اننا كلنا انسان ...

ان مافيش عدو ..

مافيش خصم ..

كلنا انسان ...

لينا قلب مجروح زي بعض ...

كلنا بنخاف من بكرة زي بعض ...

كلنا بندور علي الأمان و الصحبة و الحب زي بعض ...

لازم مانخفش من بعض ...

لازم نحب بعض ...

او علي الأقل نحب لبعض ...

زي ما اكون مبسوط لازم غيري يبقا مبسوط ...

زي ما انا مرتاح لازم غيري يبقا مرتاح ...

عشان تلاقي إللي بيدور علي راحتك في يوم من الأيام ...

كلنا انسان ...

بنخاف ... بنحب ... بنكره ... بنبكي ... بنتعب ...

كلنا انسان ...

مافيش سبب يخلينا نخاف من بعض ...

لأننا لما بنخاف من بعض ..

بنبتدي نأذي بعض .. و نفهم بعض غلط ...

و نكره بعض ... و نجرح اقرب الناس لينا ...

و ننجرح من اقرب مالينا ...

كلنا انسان

عيشوا مع الأنسان إللي جواكوا ...

عشان تفهموا الأنسان إللي قصادكوا ...

و تحبوه و يحبكم ...

و تسلم منه ...

و يسلم منك ...

كلنا انسان ...