ضغط شديد
و قلوب بتبيع
و وشوش بتضحك علي الوشوش
خداع كثير
و قلب حزين
و الضحكة سرقوها بقلب حديد
صخر و طوب ينزل عليا و يهد
احلامي و فرحي
و رغبتي
في عيشة راضية
او شوية حب
لا الأنسحاب
ولا الهجران
عاد نافع مع ناس بايعين
اضحك يا غريب
علي وشوش حجر
و قلوب خاينين
اضحك يا وش
وداري الأه
لا تقول في يوم
بكرة احلي اكيد
يومك قتلك
و ماضيك حزين
و انت عايش عشان تموت
مافيش غير انك تدعي و تقول
يارب اموت
يارب اموت
قولوا امين
هناك 3 تعليقات:
سلام عليك يا يوسف
اول تعليق :)
..
ليه يا رب تموت ؟
عارف يا يوسف ..انت كتبت كل حاجة نشوفها في الدنيا
كلامك صح ..بس مكتبتش كل حاجة ..شفت الجانب المظلم و الموحش للحياه و الناس
فكر شوية في الجانب المضئ في الناس ..لو قاسية لاقصي حد فاكيد فيه كلمه ممكن تهدي قسوتهم ..مش هقولك ممكن يتحولوا النقيض..بس يمكن ابتسامة منك يكون ردها ابتسامه منهم و تشوف بعدها راحة في عنيهم
الدنياا مش قاسية عليك لوحدك ..دي معانا كلنا كده ...بس احنا لازم نحاول نخفف من قسوتها علينا
جرب كده تبتسم في اكتر حد شكله متضايق في الطريق ...اراهنك راح يبتسم ..او حتي هتهدا ملامح القسوة في عنيه
جرب كده ..
:)
سلام
مها
اولا مدونتك حقيقي تجنن
عجبتنى جدا جدا جدا
ثانيا مش عارفة هتعرفنى لا لأ؟؟ حزر فزر بقا
ثالثا ضايقنى اوى انك تشوف الدنيا باللون دا
رابعا انا هبدأ اتابع مدونتك و بما انى هتابعها يبقا لازم تظبط لى كل يومين كام بوست كدا حلوين على ذوقك
علشان انا ملولة و بحب التجديد المستمر :)
ياللا سي يو
السلام عليكم
نادرا ما ارد علي التعليقات و صراحة ماعرفش ليه؟ ... ممكن لأني مش بعرف ارد اقول ايه بس حستثني هذه التدوينة و اكسر القاعده
.......
الأخت العزيزة مها
شرفتيني بردودك و متابعتك لمدونتي الحقيقة و انا سعيد انها قدرت تلفت انتباهك
علي فكرة كلامك صح و الناس غلابة اوي فعلا كلهم تعبانين زينا و انا فكرت قبل كدة و قلت السبب الوحيد اننا بنأذي بعض اننا خايفين من بعض مش فاهمين ولا حاسين ولاقادرين نستوعب اننا شبه بعض و زي بعض لينا حاجات كثير تفرحنا مشتركة و لينا حاجات كثير تزعلنا مشتركة بس مين يفهم و مين يحس و نفضل دايما بندور في دواير من الالم و الخوف و الحزن
اتمني افضل اشوفك علي طول هنا
.......
امير الثري
كان نفسي ارد في مدونتك الحقيقة بس واضح انك هجرتيها ليه ماعرفش يمكن بسبب موضوع الملل إللي بتتكلمي عليه بس انا نفسي بقا تشاركينا افكارك و احلامك و مخاوفك و افراحك علي مدونتك عشان نفضل قاعدين فيها و منطلعش انتي نورتي مدونة اوراق الخريف و بشكرك علي كلامك المشجع يارب تكون المدونة دي قد نص الكلام إللي قلتيه عليها و متضايقيش اني شايف الدنيا كدة تصدقي لسة في شوية امل اه والله بس حالتي دلوقتي متسمحليش اني اتكلم بامل في الدنيا ممكن اخرج من الحالة دي قريب
و طبعا عرفتك و شرفتيني اولا بمعرفتك و لقائك و ثانيا بتعليقاتك هنا و اتمني اكون علي قدر المسئولية و المنافسة و اقدر ماصبكيش باي ملل هنا
تحياتي ليكي
إرسال تعليق