أقترب
أجلس الأن وحيدا
أشعل الشموع
أقترب منها
و راقب لهبها الذي يتراقص
فلتغن بصوت خفيض في قلب الظلام
لك لوحدك أغاني أعياد الميلاد
رددها بعيون فارغة من الأحساس
رددها بقلب حائر
لا يعلم عن ماذا لسانك يردد
و حائط من الظلام و الفراغ يحيط بك
و هواء بارد يصيب جسدك
لكن اللهب يأبي أن ينطفئ
حياتك تمر أمامك
أعوام و أعوام تتقافز أمام عينيك
و لسانك يردد دون شعور
(( سنة حلوة يا جميل ))
تتذكرها
( بحبك اوي ... مش حسيبك ابدا )
تتذكره
( ياريت كل الناس كانوا زيك )
اللهب يتحول لشاشة سينما
( بعدتي عني ليه ؟ )
( مش عايز اعرفك تاني في حياتي )
( خليك واقعي )
( طفل كبير )
( انت اكثر حد فيهم )
( خالي بالك من نفسك )
( مش حسيبك ابدا )
يتردد صدي هذه الجملة الأخيرة داخل الظلام
( مش حسيبك ابدا )
الأن تتمني امنيتك
لم يرفع نظره لمصدر الصوت لم يعد يهتم
عيونه مثبتة علي اللهب
تهتز و لكنها لا تتحرك من مكانها
( مش حسيبك ابدا )
( مش حسيبك ابدا )
اللهب ارتفعت حرارته
كان يظن انه سيبكي و لكنه لم يفعل
حرارة اللهب تزداد
و جسده يزداد سخونه
العرق يتصبب من كل مسام جسده
أ ...
أ ...
اللهب يتراقص
كل الذكريات تتجمع في صورة و احدة
كل الأصوات تتجمع في صوت واحد
أ ...
أ ...
لسانه الثقيل يتحرك
أ ...
أتمني ...
قالها اخيرا
ثم اغلق عينيه
اصابته لفحة الهواء مرة اخري
نهض
نفخ في لهب الشمعة لتنطفئ إلي الأبد
ثم ادار ظهره لها
و رحل ليختفي داخل الظلام مرة اخري
لقد انتهت الحفلة
...
هناك 9 تعليقات:
تحفة
يوسف
انت رهيب واسلوبك بجد رائع
كل سنه وانت طيب يايوسف
ويارب يتحقق لك كل ماتتمنى
عجبنى اسلوبك اوى
يوسف..
يخرب عقلك ياعم..
اتهزيت معاك من جوايا بالمعنى الحرفي لكلمة اتهزيت..
ويمكن انتا حتحسني أكتر.
أسلوبك روعة ياعم.. روعة بجد، وأول مرة أعرف انك ممكن تعمل حاجات زي كده..
استمر يبني.. لو الصدمات بتجيل حاجات زي دي، شكلي حتمنالك صدمات!!
محبتي.
كل سنة وانت طيب يا يوسف
صدقني كمية الاحساس اللي انت حاسسهم عمرك ما هتحسهم بالشكل ده تاني
والحب الاول هو الاول مهما كان صادم وقاسي
عيش لحظاتك واكتب اجمل ما تحسه وتأكد ان كل تجربة في حياتك تقويك اكتر
هتعيش وهتحب كتير بس هايفضل الحب الاول هو الملك هو اللي غيرك هو اللي قواك
وافتكر كلامي لما قلت لك الحب الحقيقي هو اللي بيكون ف سن صغير
بعد كده الدنيا هتقسيك اوي وهتتغير اوي
اجمل بوست يا يوسف اهنيك بجد
هههههههههههههههههههههههههه
هممممممممممم
فنان يا بنى ..
ما أنت حلو أهو و بتكتب حاجات حلوة !
حسيت باللي كتبته كأنه لقطة من فيلم حياتك ..
لحظة ممكن تكون لحظة التحول اللي بيتغير بعدها بطل الفيلم ويبدأ طريق مختلف تماما عمره هو فعلا ما تخيله .
وممكن تبقي لحظة من لحظات حياته اللي بيتمنى فيها التغيير .. وبعدين يرجع زي ما كان .. وتيجي تانى لحظة مشابهة للحظة دي .. يتمنى فيها التغيير من جواه .. لكن ما بيتغيرشي ..
في الحالة دي بيكون سيناريو حياته ينقصه شيء مهم جدا .. تنقصه القدرة والرغبة والصدق في رغبته في أن يغير كل شيء .
أعرف أن السيناريو لا تنقصه هذه النقطة .
ولهذا أنتظر السفاح الجديد الذي ستكشف عنه أحداث الفيلم ..
جميل يا بنى
استمر
هههههههههههههههه
كل سنة و أنت بتعرف تعبر عن اللي جواك أكتر من السنة اللي قبلها..
* كرهت المرور على هذه التدوينة الرائعة بدون كتابة أي سخافات مثل هذه.
انه عيد ميلادي بقا
ثانيا هو رقم قياسي جديد في مدونتي 7 تعليقات مرة واحدة مش بقولكوا 2009 حعمل فيها ارقام قياسية كثير
_-_-_-_-_-_-_-_-_-_-_-_-_-_-_-_
صديقي العزيز محمد الدسوقي
انا سعيد ان التدوينة عجبتك و نورتني كلمتك البسيطة عبرت عن كل حاجة اشكرك
_-_-_-_-_-_-_-_-_-_-_-_-_-_-_-_
بنت منطقتي الغالية و الكاتبة الصاعده دكتورة ناعومي
كسفتيني بكلامك الجميل الف الف شكر علي ردودك و علي كلامك الجميل إللي انتي اجمل منه و امين يارب انا و انتي مش انا لوحدي
_-_-_-_-_-_-_-_-_-_-_-_-_-_-_-_
صديقي العزيز احمد يحيي
شكرا ليك و ربنا يجيب لينا احنا الأثنين صدمات تنشط الحس الأبداعي عندي و عندك
_-_-_-_-_-_-_-_-_-_-_-_-_-_-_-_
فاطمة من اجل عينيك
كلامك الجميل فعلا حقيقي و بشكرك علي كل لحظة حلوة بتدهالي عشان تقويني و تصبرني علي حياتي انتي انسانة جميلة جدا و بشكرك علي ردك
_-_-_-_-_-_-_-_-_-_-_-_-_-_-_-_
عطشان
انا عارف انت بتضحك ليه و مش حقول
_-_-_-_-_-_-_-_-_-_-_-_-_-_-_-_
مصطفي يحيي
انا عارف ان موضوع السيناريوا دة حيسرق عقلك
اديني اديتك الخامة يا سيدي كمل انت بقا
_-_-_-_-_-_-_-_-_-_-_-_-_-_-_-_
فوءة شرفتيني و نورتيلي المدونة بجد الف الف الف شكر علي الرد و اوعي تقولي علي كلامك سخافة امال كلام اخوكي يبقا ايه (وش واحد مطلع لسانه ) امانة عليكي ما تكون الزيارة الأخيرة هنا
جميلة اوى اوى اوى بجد يا يوسف
ومؤثرة خالص
بجد حلوه
:(
إرسال تعليق