إيه إللي جواك ؟؟؟
انت مين ؟؟
انا مش عارفك
انا مش جزء منك
ولا انت جزء مني
انت غريب عليا
انت مخيف
انت جيت منين ؟؟
مين رسمك جوايا ؟؟
مين سابك جوايا ؟
مين خلقك ؟
و مين خلاك تاخد حياتي وطن ليك ؟؟
انت مين ؟؟
انا مش عارفك ...
و خايف منك
انا حقفل علينا الباب
و حعيش معاك انا و انت و بس ...
اطفي النور
مش عايز اشوف وشك ...
الظلمة إللي حتخفيك عني
حتريحني بخوفها منك
طفي النور
هناك تعليق واحد:
(إن كنت غالي )!!قد إيه جميلة الاغنية دي يا يوسف فرحت بيها أول ما فتحت المدونة ولقيتها وكنت لسة باسمعها من يومين :)
أنت اللي اختياراتك في الموسيقي جميلة جدا بجد :)
الخاطرة كمان حلوة جدا !!كنت عايزة اقتبسها عندي بس الفرق إني مش عايزة أقفل باب واعيش أنا عايزة اتخلص من الاحتلال ده!
تحياتي يا فندم
:)
إرسال تعليق