إحنا جيلنا يا يونس زي ورق الخريف ...عارف ايه هو ورق الخريف ؟؟؟ هو ورق الشجر إللي بيذبل من البرد و المطر و التراب ...ويقع من علي الشجرة وحيد ميت ... مكسور و مع اي لمسة الكسر بيحوله لتراب ...تراب بيرميه الريح لكل مكان

الأربعاء، 14 يناير 2009

شوية منير ...


الصراع بين منير و الكورس النوبي الذي خلفه في اغنية بحر الحياة و عن معني الحياة الحقيقي و هل هو مفعم بالأمل و الحلم ؟ ام انها تعد دوما بكثير من الأحلام و تقربنا منها ثم تبعدنا عنها إلي الأبد ولا تفي بما وعدت به ؟ هو مجمل لرسالة منير التي يوجهها في اغانيه و إن كان ليس اول مغني يسير خلف هذه الرسالة

لكنه استطاع ان يمس قلب الشعب المصري و وجدانه و أحزانه بصورة لم يسبقه فيها اي مغني مصري اخر ولا حتي استاذه محمد منيب او حتي سيد درويش الذي طور و صنع اغنية مصرية تتحدث عن المجتمع المصري ...

لتسرقني ايضا اغنية اخري لمنير وهي اغنية حواديت و ذلك المسافر التائه و جاب العالم في وحدته علي مركبه ليشاهد و يحضر العديد من القصص و الحواديت الأنسانية في كل مكان زاره.و التي كما لو انها اساطير تستحق التخليد و لكن من بين هذه القصص هناك قصة له في مدينته التي كلما تذكرها تذكر كيف كان فارس في ذكراه يشق قلب الصحراء بقوة و ليس بحار وحيد علي مركب في بحر الحياة و ان نهاية قصته و ضعته علي هذا المركب ... يتسأل هل هذه هي النهاية ؟ هل هكذا انتهت قصته ليعيش غريب تائه ؟ ام ان هذا هو الصعب الذي يجب ان يواجهه ليتحقق حلمه الذي لن يموت ابدا طالما في قلبه نبض و يعود لحبيبته ؟

وفي اغنية اخري تسبق زماننا بخمسين عام كان سعد عبد الوهاب يتغني بمنتهي الرقة و الرقي و العمق عن الحياة و الوجوه التي نقابلها و نفترق عنها لنسلك اكثر من درب في الحياة و لكن كل مرة تعود وحيدا و تتسائل عن حكمة الحياة في هذا و ماهو مصيرك ؟ فينصحك بالا تستغرق في دوامة تفكير في مقدرات الحياة ... فالحياة كالريشة التي تتراقص بجنون في الهواء ليس لها قواعد او خط سير معلوم ... و إن كنت يوما هناك و اليوم هنا غدا ستكون في مكان أخر و يبقي السؤال : مين ضمهم بإيديه ؟ و اتفرقوا حواليه ؟ سبب لقاهم ايه ؟ و كان فراقهم ليه ؟


لينضم له منير بعد حوالي خمسين سنة باغنية اشكي لمين يتوحد معه بصوته و السؤال عن الحياة التي تدور بنا في دوائر تحمل الألم و الحزن و الوحدة ... و تحمل ايضا لمحات الذكري الحلوة و الفرحة و السعادة و لكنها تسير تسير و يجب ان نسير معها و ندور في سواقيها و يبقي السؤال : دنيا بتعلب بينا ليه ؟ ايه راح ناخد من ده ايه ؟ ايه راح ناخد من ده ايه ؟

و مع عشرات الأغنيات الأخري لمنير
التي يقف فيها كشاهد علي ارواح اجيال او متحدث رسمي باسم الأنسان المصري
او محارب ضد يأس الحياة و الكره و الوحدة
نجح في ان يكون خليل في ليالي كثير منا ...
و يشاركني شخصيا الكثير من لحظات وحدتي ...

الجمعة، 9 يناير 2009

شوية شات بقا ...

انا مش انا ... انا مش عارفني ... لا دي ملامحي ولا دة ولادة ولادة ولادة و لادة امممممممممم ولادة انا
تصدقوا من ساعة ما فتحت المدونة دي عمري ما اتكلمت بصراحة عن نفسي ...

كنت دايما بداري مشاعري و احاسيسي ورا كلام الخواطر و التشبيهات و التلميحات ...

بس لو حد قري اخر خاطرة ليا هنا حتلقوني بقول :

مش لاقي الغنوة
مش لاقي الكلمة
توصفلي شعوري
تحكيلي و عودي


فراغ تاني بقيت حاسس بيه و هو فراغ من التشبيهات و الكلام المرصوص ...

عايز اتكلم بمنتهي الصراحة عني انا معملتهاش غير في سنوية المدونة لما كتبت التدوينة بتاعت شكرا و وجهت رسايل لناس اظن انهم عمرهم ما حيقروها بس اثروا في حياتي جامد جدا ...

اظن و احنا داخلين سنة جديدة محتاج اتكلم عن نفسي تاني ...

عشان انا حاسس بدخول مرحلة جديدة قصادي ...

زي ما قلت حياتي فعلا حسيت انها ابتدت في نص 2006 و عشت احلي ايام حياتي في 2007 و عشت اسوئها في 2008 بدون شك ...

2008 كانت سنة كئيبة كئيبة كئيبة حتي في رقمها و 2007 ياعني الفرح و تحقيق احلام كثير ...

2009 ايه بقا مش عارف ؟؟؟ ادينا داخلين برجلينا اليمين و لسة حنشوف ... انا ماعنديش امل في بكرة ... ولا يأس ... انا مستنيه وبس ...

مستني اي حاجة تملي الفراغ إللي بقا جوايا من اي احساس او اي شعور ... اي حاجة تفرح ... او اي حاجة تزعل ... ايوة انا بطلت ازعل ... بطلت احزن علي اي حاجة و حاسس ان دي كارثة ... حاسس اني مت ... لدرجة اني ساعات بحاول اضرب علي جرح قلبي إللي دويته يمكن ازعل اي حاجة... افتكر او احس اني بني ادم تاني ... مافيش

لدرجة اني قلت لنفسي شوية شات بقا ...

ارجع لاول حاجة عملتها في حياتي علي النت ...

ادخل الرومات بتاعت الشات إللي مدخلتهاش من خمس سنين

اعيش شوية تفاهة زي الناس إللي هناك دول يمكن حالي يتغير و افرح شوية او انسي

دخلت و كانت تجربة غير لذيذة اطلاقا

الشباب تايهين بجد

عقلهم رايح في ستين داهية

الله يكون في عونهم و عونا

بس المهم اني برضه ماخرجتش من الحالة إللي انا فيها دي ياعني ساعة ماحبيت ابقا تافه شوية

معرفتش ):

اخدت قرار قاسي اوي علي نفسي عشان الجرح إللي اتجرحته ... خلاني مزعلش علي اي حاجة بعد كده و اكتشفت بعدين ان دي مصيبة ...

انا مش قادر احزن ... الحزن طلع مطلوب و شعور لازم نحس بيه كل فترة و انا فقدته ... و إزاي تحس بالفرح لو مجربتش الحزن ...

سنتين و مدونتي هي بيتي اكثر مكان برتاح فيه ... بيسحبني جواه من العالم كله إللي حواليا و بعيش جواها ... هي دي اوضتي ... هو دة عالمي ..

اليوم إللي حطيت فيه اول اغنية علي المدونة _ اغنية ريم البنا (المغني)_ كان يوم عيد ...

حسيت اني حطيت اخر حاجة من اساسيات بيتي ... اغنية بتطلع من قلبي قبل ماتطلع من المغني نفسه ...

و لسة حاطط ثاني اغنية من اسبوع تقريبا ...

اغنية لو كنت غالي ... عايدة الايوبي ...

بقيت ادخل المدونة مخصوص عشان اسمعها و بس ...

(( و الدنيا حلاوتها

كلمة حلوة تطمني ))

اهو دة إللي بيتقال و انا بكتب الكلمتين دول ....

من المفارقات ان 2007 كتبت فيه 34 تدوينة

و 2008 برضه 34 تدوينة

من غير ما اقصد و الله بس مفارقة لذيذة

ياتري حيحصل كدة مع 2009 ماظنش ... اظن ان 2009 حعمل فيها رقم قياسي جديد ( وش فرحان بسنانه )

نفسي في اي حاجة

مبقاش نفسي في حاجة معينة

اي حاجة

اي حاجة تحرك الخمول إللي جوايا

عايز افرح ...

او احزن

عايز احس ان بقا في حاجة غالية عليا

بس طبعا كله إلا المدونة مش عايز احزن للدرجة دي

ههههههههههه

يلا ...

اسيبكوا مع عايدة الايوبي علي اساس ياعني ان في حد استحمل وقري الك إللي فوق ده كله ( وش واحد بيتحسر علي حاله )

يلا الاقصد ...

العوافي ...

الأربعاء، 7 يناير 2009

يا حبيبتي ...


بحلم انا بيكي
و بتمني اكون ليكي

يا حبيبتي يا حرية

قلبي بيندهلك

و عيوني بتسألني

حيران في جوابها

مش لاقي الغنوة

مش لاقي الكلمة

توصفلي شعوري

تحكيلي و عودي

قلبي بيهمسلك

ان انتي ياعمري

مشتاق اندهلك

يا حبيبتي

يا حرية
يا حبيبتي

يا حرية

الاثنين، 5 يناير 2009

أتحدي لياليك يا غروب


عندما يتحدث منير

اسكت انا

لأن كلامه سيقول عن لساني كل شئ

اتحدى لياليك يا غروب

واتوضى بصهدك يا جنوب

واصلي الفرض الحطيني

واكتبلك عمري المكتوب

احضانك فوق الحنية

يا جميلة ومريم وبهية

يتفجر فى النور بركانك

وايمانك يتفجر فيا

الدمع على الارض خريطة

مشتاقة ليوم الحرية

مشتاقة ليوم الحرية

اشلائك بتلم جراحي

يرتعش الغدر وترتاحي

ويعود الحلم المسلوب

اتحدى لياليك يا غروب

واتوضى بصهدك يا جنوب

واصلي الفرض الحطيني

واكتبلك عمري المكتوب

احضانك فوق الحنية

يا جميلة ومريم وبهية

يتفجر فى النور بركانك

وايمانك يتفجر فيا

الدمع على الارض خريطة

مشتاقة ليوم الحرية

مشتاقة ليوم الحرية

اشلائك بتلم جراحي

يرتعش الغدر وترتاحي

ويعود الحلم المسلوب

يا ضى عيون الشهداء

يا زهرة صيد وسيناء

الثانية من عمرك تحيني

وكلمة من سيرتك تهديني

للاقصى يعود الاسراء

اتحدى لياليك يا غروب

واتوضى بصهدك يا جنوب

واصلي الفرض الحطيني

واكتبلك عمري المكتوب

احضانك فوق الحنية

يا جميلة ومريم وبهية

يتفجر فى النور بركانك

وايمانك يتفجر فيا

الدمع على الارض خريطة

مشتاقة ليوم الحرية

مشتاقة ليوم الحرية

اشلائك بتلم جراحي

يرتعش الغدر وترتاحي

ويعود الحلم المسلوب

********

الأحد، 4 يناير 2009

مين ؟


إيه إللي جواك ؟؟؟
انت مين ؟؟
انا مش عارفك
انا مش جزء منك
ولا انت جزء مني
انت غريب عليا
انت مخيف
انت جيت منين ؟؟
مين رسمك جوايا ؟؟
مين سابك جوايا ؟
مين خلقك ؟
و مين خلاك تاخد حياتي وطن ليك ؟؟
انت مين ؟؟
انا مش عارفك ...
و خايف منك
انا حقفل علينا الباب
و حعيش معاك انا و انت و بس ...
اطفي النور
مش عايز اشوف وشك ...
الظلمة إللي حتخفيك عني
حتريحني بخوفها منك
طفي النور

الاثنين، 29 ديسمبر 2008

ماتت


ماتت
سارة ماتت
ماتت
احلام طارق ماتت
ماتت
افراح شيماء ماتت
ماتت
كرامتنا ماتت
ماتت
مئات الأرواح تزهق
مئات الأرواح تغادر اجسادها
مئات الأرواح تغادر ارضنا صاعدة لربها
لتهرب من اللعنة
التي تصب علينا

لعنة علينا
و لعنة عل حكامنا


لعنة علينا
و لعنة علي حكامنا


ماتت
اطفال كثيرة ماتت


ماتت
احلام كثيرة ماتت


ماتت


غزة ماتت

الاثنين، 8 ديسمبر 2008

كل سنة و انتوا طيبين ...

مش حتكلم كثير ...

مش ححكي ولا حطلع عبر من العيد ...


انا عارف ان العيد كل ما بنكبر مش بيبقا زي الأول ...


بس انا حديكوا نصيحة ...


عايزين تحسوا بالعيد بعد كدة ...


في اخواتكم و اولادكم ...


عودوهم يتجمعوا في المناسبات دي ...


مهما كانت الهموم ..


حتحسوا بالعيد ...


انا بقلوكوا الكلام دة و انا بقضي العيد لوحدي قصاد جهاز الكمبيوتر بتاعي ياعني مافيش وحدة اكثر من كدة


اتحركوا شوية بقا ....


و خالوا بكرة احلي ...


عرفوا ولادكم ياعني ايه حب ....


ياعني ايه عيلة ...


عشان يحسوا بالعيد و يحسسونا بالعيد


و كل سنة وانتوا طيبين يا جماعة ...


ماحدش حيقولي كل سنة و انا طيب ولا ايه ؟؟؟