إبعد ... مش حقولك لا ...
ارقص ... و طير بعيد ...
اضحك ... وارسم احلامك بعيد عني
مش حندم ... و لا في يوم دموعنا حتنزل ساعة لقانا ...
و لا عيونا حتهرب من حضن نظراتنا ...
بالعكس
علي بعض حيدورو ...
و في وسط مليون حلم
و في قلب الف غنوة
في لحن
سوا حبيبي حنسمعه
عارف ليه ...
عشان إللي بينا
قصة حب
حتنسي
و حنسي
حتبعد
و حبعد
حتحلم و لغيري حتحكي حلمك
و بغيري حتلقي فرحك
و لمسة ايديك
حتحرم علي لمسة ايدي
و قلبك
حيغني باسم تاني
و حنهرب من كل ذكري مجمعتناش سوا
و حنهرب
من الف كلمة حب مقلنهاش لبعض
و حننسي
حلم عمرنا ما لحقنا نحلمه مع بعض
ضحكة ملحقناش نديها لبعض
و فرحة ...
مابينا مجربنهاش
عشانها .. حسينا بيها و لمسنا معاها الأمان
لقينا فيها البيت
حضن و دوي لكل الجروح
عارف ليه
عشان إللي بينا قصة حب
احساس جميل
مع بعض حسيناه
و قلوبنا مع بعض غنوا اجمل الاغنيات
إلا كلمة واحدة
سكتنا و سكتت معاها الدقات
اتخرسنا و وقفت معاها احلي الأمنيات
شوفنا بقلوبنا احلي الأيام
لمسنا بمشاعرنا اغلي اللحظات
و حضن من امر الهوي جمعنا بين ايديه
حضنا و دفانا من برد السنين
و عرفنا
ان اخرة الحضن زوال
و ان نهاية بيتنا الجميل اطلال
رفعنا إيدينا من القضية
سحبنا قلوبنا و دفناها في قلب فرحتها
شيلنا ايدينا و فوقنا من سكرتنا
قبل ما نعيش اي لحظة من القصة دية
رفعنا عيونا و بصينا لروحنا
اغراب وسط الشتاء
اغراب وسط الشتاء
المطر حوالينا و الناس بتخبط فينا
و وسط العيون ميزنا عيونا
و الحلم إللي كان ممكن يجمع بينا
و عرفنا ان نهاية اي قصة حتكون اهون من نهاية قصتنا ...
ادينا ظهرنا للحلم
ادينا ظهرنا للحلم
و بعدنا
لا فارقة شمال و لا جنوب
لا نحية بحر ... و لا نحية صحراء
المهم النظرة إللي بينا متجمعناش
المهم النظرة إللي بينا متجمعناش
عارف ليه
عشان إللي بينا
قصة حب ... 
هناك 7 تعليقات:
تحفه تحفه تحفه
اقولك ايه بجد علي ده كلام؟؟
دانا مقدرتش حتي اطلع اكتر حاجه عجبتني لانها كلها علي بعضها كده عجباني..
بجد جميله اوي
تسلم ايديك
ضيقة هي الدنيا..ضيقة مراكبنا
نفتش فيها عن امنيات لم تعد في محرابنا
ربما صلى عليها الغياب
موجعٌ ذاك الحب
ياسمين..
بشكرك يا هاجر علي كلامك المشجع دة ( وش واحد لابس نظارة شمس و فرحان بنفسه و علي وشه ابتسامة متسعة معتزة بنفسها )
سعيد انها عجبتك و نورتي المدونة بوجودك و متابعتك
ارجوا متزهقيش من وجودي الدائم في مدونتك برضه ...
إلا صحيح هو ايه موضوع القطة ده ؟؟؟؟
.....
ياسمين و ثلج ابيض
اشكرك علي كلماتك و علي تعليقك الذي اكد لي احساسك بالعمل و نورتي المدونة في اول زيارة لكي
يوسف.. كلامك ده؟؟
انتا فنان يابني ومش عارف..
ولا عارف بس مش قادر تقول..
ولا بتقول بس محدش سامعك!!
إنتا إيه بالزبط ياعم؟
البس النضاره الشمس يا سيديى وافرح لانك تستاهل اكتر منكده والله ..:)
وبعدين ازهق انك تيجي مدونتي كتير ازاي يعني؟؟!! ( وش عايز يعضك )
اما بالنسبه لموضوع القطه :)))
القطه دي يا يوسف
طيبه اوي
مغمضه عينيها زي ما بيقولو
وحنينه اوي
بس لما حد بيخطف حد من ولادها بتبقي غداره
ولما حد بيقرب منها وتحس انه مش ناويلها الخير
بتخربشه..
كلنا جوانا القطه دي
في وشها الحلو والوحش..:)
عشان اللي بنا قصة حب ..
يخرب بيتك دماغك ...
مش قادرة اقول غير كده
بالفعل عشان اللي بنا قصة حب ..
هاننسي كل حاجة ..
تعرف يا يوسف .. نفسي اعرف اكتب قصة .
يكون فيها حب
تسلم ايديك اللي مش مجرد ايدين بتكتب ..
دي انامل من نور يا بني ..
انامل خلقت لتضيء :)
حتحلم و لغيري حتحكي حلمك
و بغيري حتلقي فرحك
و لمسة ايديك
حتحرم علي لمسة ايدي
حلوة قوى يا يوسف
يسلم احساسك
دمت بكل خير
إرسال تعليق