إسئليني عني انا ...
إسئليني ...
حسيني ...
و إفهميني ...
و لو يوم إحساسك بيا كان غلط
تعالي و قوليلي ...
حسسيني بالأمان
حسسيني بيا انا ...
حسسيني اني انسان
مش قضية خسرت مع الزمن
المسيني ...
و إحتويني ...
قربي مني ...
اوعي تهجريني ...
اوعي تبقي جمبي
و عيونك مش ليا
و إحساسك بنفسك يعميكي عني انا
حضنك حبيبك
قربيلي ...
و قوليلي منك انا
و انت مني
اعبريني ...
كوني لساني ...
و كوني حناني
اوعي تسيبني
حسيني
و اسئليني
عني انا
اسئليني
و افهميني ارجوكي عني انا
اسئليني
...........
دة انا تايه فيكي و مش عارف
انا فين منك
فهميني
انا ايه ليكي ماتقوليلي
و ليه الخوف بينا سد
حايش عينيكي عني انا
فهميني
و قوليلي
فين انا فيكي
انا فين انا
فهميني
حتيجي تدوري حتوهي
لأني تايه عني انا
تايه فيكي
مش لاقيني
مستني منك انتي النجاة
مستني تلحقيني
و تفهميني
مين انا
فهميني
ايوة انا محتاجلك هنا
محتاج للمستك جوة قلبي
و ضحكتك
محتاج انا
لنظرتك
فهميني
ليه عيونك مني انا
بتهرب
مش لاقيكي
فاهمك انا
و سط الدنيا شايفك انا
عارفك و فاهم احساسك بيها
و فيا انا
تايه مش لاقيكي
فين انا
فهميني
فين انا
قوليلي
و لا لسة محتاج انا
اقولك اعرفيني
ليه محتاجة مني انا
اقولك
حسيني
و اسئليني
عني انا
اسئليني
هناك 3 تعليقات:
رغم إني مليش في الشعر ياجو لكن الحتة دي أقدر أقوللك إني حسيت بيها ياصاحبي كويس..
"اوعي تبقي جمبي
و عيونك مش ليا
و إحساسك بنفسك يعميكي عني انا
حضنك حبيبك
قربيلي ..."
انت بقيت بتتشرب روح محمد منير
والقصيدة دي غنائية جدا وماتليقش الا بمحمد منير
تجنن يا يوسف
فين انا
قوليلي
ولا لسه محتاج انا
اقولك اعرفيني
ليه محتاجه مني انا
اقولك
حسيني
واسئليني
عني انا
اسئليني
ايه دا يا يوسف ؟!
دي تحفه فنيه وانت مش واخد بالك
بجد مش بجامل وانت عارف " تحفه" دي قليله اوي عليها
بجد جميله اوي .. معانيها حلوه اوي .. حسيتها اوي يا يوسف ..
وفعلا لقيت برضو فيها روح منير :)
تسم ايديك ويسلم قلمك يا يوسف
إرسال تعليق