مهما قالوا ... مهما وصفوا ... مهما احتفلت و انت صغير و فرحت بالجو إللي بيبقا حواليك المميز ... اول سنة بجد بقا ... ترفع ايدك لربنا ... و تصلي و تدعي لأول مرة من قلبك بجد و انت فاهم و حاسس و محتاج ... و تلاقي ان الدعوة في رمضان مختلفة ... السجدة في رمضان مختلفة ... رب رمضان هو رب كل الشهور ... لكن رمضان بيضيف كثير لروحك ... سر إلاهي ... ماحدش يعرفه غير إللي جربه من الأسرار إللي ربنا منحها لعباده بس ... فاكرين اول رمضان مر عليكوا بجد ... انا فاكر ... و فاكر اثر و فرق معايا إزاي ... كنت صغير و جسمي كله و كياني اترج ... و قلت ياااااااه بقا هو دة رمضان ... و مكدبتش خبر ... و بقيت بستني رمضان من السنة للسنة ... مكدبش عليكوا ... اخر 3 سنين ماكنتش زي السنين إللي فاتوا ... ماكنش رمضان إللي بستناه و بغسل روحي فيه و اطلع منه انسان جديد و شايل منه كثير يفضل معايا طول السنة ... بسبب ظروف و مشاكل كثير ... معظمها نفسية ... بس السنة دي سنة غير ... انا حاسس بدة ... حاسس ان رمضان السنة دي جاي زي زمان ... لما كان بالي مش مشغول بحاجات كثير ... و نفسيتي هادية و مطيعة ... و مكنش في براكين و زلازيل جوايا ممكن تهز اي جبل ... انا السنة دي مستقر ... و بإذن الله ... رمضان السنة دي راجع تاني زي زمان ... حاسس ان رمضان دة ... حيبقا رمضان غير ... اهلا رمضان ... كل سنة و انتوا كلكوا طيبين ...
الصورة المرفقة من تصميمي
الصورة المرفقة من تصميمي
هناك 7 تعليقات:
فاااااااااااااااكره ياجو زى مايكون امبارح والله
دى حاجة متتنسيش
كل سنة وانت طيب
وبعدين ايه صورة ريم بنا دى؟
انا كنت فاكر انى لوحدى اللى بحب اسمعها
انا من مدمني ربم بنا ياراجل ... متقلقش في مننا كثير ...و كل سنة و انت طيب يارب
كل سنة وأنت طيب
ورمضان كريم
تحياتي
كل عام و انت بخير
يمكن اول تعليق يمكن . بس مش اول زيارة :)
مدونة حلوة
و انا بنضم الك و بحب ريم بنا :)
يـارب دايـما في سعـادة
كل سنة وانت طيب
(:
:)
هو ده تعليقي .. الابتسامه الغريبه دي :)
..
رمضان كريم يا يوسف :)
كل سنه وانت يوسف ..
معلش جت متأخره شويتين تلاته اربعه :$
بقالي فتره مش متابعه البلوج :$
ضكتور جدا
و انت طيب و بخير يارب و يجعله شهر سعادة و خير عليك يارب
........
jafra
شرفتيني بزياراتك و يارب ميكونش اخر تعليق كل سنة وانتي طيبة و شكرا علي كلامك الجميل
........
ميرام
نورتي اوراق الخريف
و كل سنة وانتي طيبة و بسعادة لينا لكنا
........
هجور بقا
إزاي مش متباع المدونة عموما سماح عشان الضحكة الحلوة و كل سنت و انتي طيبة و بالف عافية و خير يارب
إرسال تعليق