لما سئلت عن الغرام

لما سئلت عن الغرام قالوا انه بحر كبير

سكك كثير مالحة و العطش مر فيه

كله سفر و غربة و فرحة امل جديد

فرحة بر تاني في حضن دافي كبير

لكن سكته صعبة و القلب محتاج كثير

محتاج لحب و قلب سعيد

قالوا انه بحر كبير مليان سمك انواع

و القلب و ما يريد

لكن مش كله بيوصل

و في نص السكة بيغرق

و انت مين فيهم يا مسكين

شكرا يا مصر

شكرا يا مصر

شكرا يا بلد

يا بلد بحبها اوي

شكرا علي اكل بيغلي وشرب بيغلي و هدوم بتغلي و صابون بيغلي و كله بيغلي علي نارك يا بلد

بيغلي مش يبغلا

ليه كان نفسي في يوم اتجوز و متحققش

ليه كان نفسي في يوم افرح و مفرحتش

اضحك ومضحكتش

ارتاح و مرتحتش

وفي الأخر انا شاب عنده فراغ خطر علي الأمن و الأمان

لو وقفت في لجنة عاطل ومن فوق لتحت هلي هيئتي و خد بالقفيان

ما انت قنبلة موقوتة ولو مترتبش حتنفجر لا زم تتكسر و تبقي حيوان

هو انت قريب صلاح الدين عشان تحس انك راجل في بلدك

دة انت حايله انسان بسيط اتولد في مستشفي ميري

مش من حقك تحلم بشقة او بحضن تداري فيه همك

مش من حقك في يوم تفرح و تقول مرتاح بصوت عالي

لازم تتكسر و علي قفاك كله عبر

و علي جيوبك مفاتيح قليل مفتاح لبيت ابوك و مفتاح للقبر

بس صحيح بلدك غلبانة مدرب كورة واخد 40 الف جنيه ياعني اربعين بيت كل شهر

و واحد 200 جنيه ياعني وجبة في بيت مدرب هذا العصر

بلدك فقيرة مافيهاش فلوس

لا فيها شيرتون ولا عربيات بعيون

بلدك غلبانة مافيهاش منافع

و انت اتولدت ليه روح حاسب ابوك

إللي اداك في يوم الحياة

و متعبرش ولا تتطاول علي إللي منع عنك الحياة

رمضان كريم

رمضان كريم

يعني الصوم

يعني الفطار

يعني الهدوء

يعني انك حتي لو مش بتصلي تلاقي نفسك بتواظب علي الصلاة

رمضان كريم

يعني قربنا من ربنا اكثر

يعني معاني روحية جميلة

ياعني ترفع ايدك لربنا بدعوة من قلبك و تحس ان ربنا قريب بيسمعها منك

رمضان كريم

لازم نكمل و نواظب

مانسيبش الدنيا تخطفنا بعديه تاني

علي العموم مش حنتكلم عن بعد كدة قبل مانتكلم عن رمضان نفسه

اتبسطوا و قولوا اهلا رمضان

....انا و البحر

بحب أسكندرية

و أتمني حبيبي يجي فيها

يشوف بحرها

غروبها و فجرها

ينورهالي

و يحببني فيها أكثر

ملحوظة الصور دي من تصوير العبد لله

بجد يا بخت إللي في المركب دول

هذا انا ... ظننت هذا واضحا

بجد مش نفسكوا في مركب زي دة

الشاطئ الرائع

أنا مرة أخري ... و نظرة شموخ :)

حلوة الصورة و لا منتوتة

بجد سبحان الله بحبك يا أسكندرية

أسكندرية بتناديكي بتقولك تعالي

لما تيجوا أسكندرية بقي متنسوش ماتكلمونيش عشان انا مش فاضيلكوا ....سلام

الجسر

كيف تجرأ علي عبور الجسر الم تعلم اننا كنا هنا معك لماذا عبرت الجسر ؟ و تركتنا خلفك الأن انت ضائع و هم السبب كم ارغب في قتلهم

****************

بحبك و حتي أعبر الجسر يجب ان اتخلي عن جسدي ... أحبك

****************

في وسط الجسر تقف منتظر ... لماذا ؟؟؟ ظللت تدور و تدور حتي نسيت من اي جهة أتيت و لأي جهة يجب ان تعبر كي تصل

****************

الجسر هو طريق أخر

****************

الجسر في نهايته ظلام مخيف لكن ربما كان ذلك لأخفاء الضوء الذي يستحقه فقط الشجعان

****************

عن الجسر نتحدث لا عن من يعبروه

****************

سواء عبرت او لم تعبر سيبقي هناك جهة أخري لم تزرها و انت ستموت و سيبقي الجسر لغيرك

****************

لا تقف فقد تقع في وسط الطريق

****************

أصعب جسر هو الجسر الذي بداخلك هل تستطيع عبوره

****************

لا تجعل من الجسر سد

****************

لو كان الجسر قويا لعبره الجميع

***********************

هل ستموت و انت لا تعلم ماذا هناك ؟؟؟

من انا ؟؟؟؟

انا الوحيد في حلم غيري

انا الوحيد في حضن قلبي

انا الطريق

طريق طويل كله ليل

انا الشمس لما تطفي

انا القمر لما يغرق

انا الشمعة لما تخلص

انا قلب بلا أنسان

أنسان بدون حنان

وحدي

في حضن قلبي

و حدي في مدينة أشباح .... خالية من الأشباح

لماذا هذه المدونة ؟؟؟؟

السلام عليكم

هذا شئ أكتبه لنفسي في المقام الأول ثم لأي شخص يدخل هذه المدونة

وهو لماذا فتحت هذه المدونة ؟؟؟؟

هل لأن جميع من أعرفهم لهم مدونات خاصة بهم

موضة بمعني أصح

لا بس مننكرش انها بقت موضة بس انا محتاج مكان اجمع فيه خواطري

مكان ادخله بعد كام سنة اشوف خواطري و ذكرياتي القديمة

أفتكر افراحي و أحزاني إللي حتبفي قديمة ساعتها

زي ما بيقولوا كدة اجندة

و فعلا المدونة بتاعتي بقت زي ما بحلم

برتاح فيها و بحس اني في بيتي

عشان كدة مش حقول لليدخل اهلا بيك في مدونتي و مقلاتي

لا اهلا بيكم في بيتي إللي جوة عقلي

إذا كان هناك طبعا من يهتم

و شكرا